នគរបាល​ស្រុក​ក្រគរ​ បង្ក្រាប​និង​ចាប់​ឃាត់ខ្លួន​ប្តី​ប្រពន្ធ​ពីរ​នាក់​ពី​បទ​លួច​លុយ​ព្រះសង្ឃ​ក្នុង​វត្ត​បុប្ផា​សុវណ្ណ​

14-August-2018 | ដោយ ពលមនសិការ

ពោធិ៍សាត់​៖​ កម្លាំង​សមត្ថកិច្ច​នគរបាល​ស្រុក​ក្រគរ​នគរបាល​ប៉ុស្តិ៍​រដ្ឋបាល​ក្បាល​ត្រាច​ និង​កម្លាំង​ប្រជា​ការពារ​ដឹកនាំ​ដោយ​លោក​វរសេនីយ៍ឯក​ ឯម​ រុន​ អធិការ​នគរបាល​ស្រុក​ក្រគរ​ បាន​ចុះ​បង្ក្រាប​និង​ចាប់​ឃាត់​បុរស​ប្តី​ប្រពន្ធ​ពីរ​នាក់​ពី​បទ​លួច​លុយ​ព្រះសង្ឃ​ចំនួន​២,៤៥៤,៥០០​រៀល​ កាលពី​វេលា​ម៉ោង​១៣​និង​១៥​នាទី​រសៀល​ថ្ងៃ​ទី​១៤​ ខែសីហា​ ឆ្នាំ​២០១៨​ នៅ​ចំណុច​កុដិ​លោក​វត្ត​បុប្ផា​សុវណ្ណ​ស្ថិត​ក្នុងភូមិ​កណ្តាល​ ឃុំ​ក្បាល​ត្រាច​ ស្រុក​ក្រគរ​ ខេត្តពោធិ៍សាត់​។​

​លោក​វរសេនីយ៍ឯក​ ឯម​ រុន​ អធិការ​នគរបាល​ស្រុក​ក្រគរ​បាន​ឲ្យ​ដឹង​ថា​ ក្រោយ​ពី​ទទួល​បាន​ព័ត៌មាន​ពី​សកម្មភាព​ចោរកម្ម​នេះ​ភ្លាម​ លោក​បាន​ដឹកនាំ​កម្លាំង​នគរបាល​ និង​ប្រជា​ការពារ​ក្នុងភូមិ​ធ្វើការ​ចុះ​បង្ក្រាប​ភា្ល​មៗ​ទាន់​ពេលវេលា​ និង​ចាប់​ឃាត់ខ្លួន​ជនសង្ស័យ​ជា​ប្តី​ មានឈ្មោះ​ ស៊ូ​ គឹ​ម​ហ៊ុ​ល​ អាយុ​ ៣៧​ឆ្នាំ​ ប្រុស​ ខ្មែរ​ មាន​ទីលំនៅ​ភូមិ​ព្រែក​មហាទេព​ ឃុំ​ព្រែក​មហាទេព​ ស្រុក​ស្វាយប៉ោ​ ខេត្តបាត់ដំបង​ និង​ជនសង្ស័យ​ជា​ប្រពន្ធ​ឈ្មោះ​ ឈុ​ន​ ស្រី​ពៅ​ អាយុ​ ២៧​ ឆ្នាំ​ ខ្មែរ​ មានកូន​ ២​ នាក់​ប្រុស​។​

​រីឯ​វត្ថុ​តាង​រួម​មាន​៖​ម៉ូតូ​ម៉ាក​ឃ្លី​ក​ ០១​គ្រឿង​ ព​ណ៍​ស​ គ្មាន​ស្លាក​លេខ​,​ទូរស័ព្ទ​ដៃ​ ០២​ គ្រឿង​ និង​លុយ​ ចំនួន​ ២,៤៥៤,៥០០៛​ (​ពី​លាន​បួន​សែន​ ប្រាំ​ម៉ឺន​បួន​ពាន់​ប្រាំ​រយ​រៀល​)​។​

​លោក​អធិការ​បាន​បន្ត​ថា​ បច្ចុប្បន្ន​ជនសង្ស័យ​ត្រូវ​បាន​ឃាត់ខ្លួន​នៅ​អធិការដ្ឋាន​នគរបាល​ស្រុក​ក្រគរ​តាម​បញ្ជារ​របស់​លោក​ព្រះរាជអាជ្ញា​អម​សាលាដំបូង​ខេត្តពោធិ៍សាត់​ចុះ​ថ្ងៃ​ទី​ ១៤​ ខែសីហា​ ឆ្នាំ​២០១៨​ នៅ​វេលា​ម៉ោង​១៥​ និង​០៩​ នាទី​រសៀល​ដើម្បី​កសាង​សំណុំរឿង​ទៅ​តាម​និ​តិ​វិធី​៕

ចំនួនអ្នកទស្សនា

    20609277

  • ថ្ងៃនេះ5441
  • ម្សិលមិញ16391
  • សប្តាហ៍នេះ51671
  • ខែនេះ166821
  • ឆ្នាំនេះ166821
  • សរុប20609277